MAP Distribui Sertifikadu ba Funsionáriu Matebian no Funsionáriu Reforma Sira

Estrela inativaEstrela inativaEstrela inativaEstrela inativaEstrela inativa
 

Fotografia/Rozer Lopes/Info-MAP

Dili- Ministériu Agrikultura e Peskas (MAP) liu husi Diresaun Nasional Rekursu Humanu distribui Sertifikadu hamutuk  51 ba Funsionáriu sira ne’ebe maka mate ona no mos sira ne’ebe idade reforma ona, Sertifikadu refere prepara husi Komisaun da Funsaun Públika.

Ohin loron ita hasoru malu ho  reprezentante familia husi Matebian sira ne’ebe maka uluk servisu iha Ministériu Agrikultura e Peskas no mos sira ne’ebe maka idade avansadu ona, ho nune’e komisaun da Funsaun Públika maka halo sertifikadu ida nu’udar rekonhesimentu atu bele fo ba sira, hateten Ministru Agrikultura e Peskas Estanislau Aleixo da Silva iha nia entrevista Segunda (07/04) iha Salaun MAP Comoro Dili.

“Ne’e duni ohin ami distribui ona sertifikadu refere ne’ebe maka mai husi Komisaun da Funsaun públika ba sira ne’ebe hola parte ona iha Ministériu Agrikultura nian, hau mos kontenti tebes wainhira hare familia sira simu sertifikadu hirak ne’e. Ba oin Ministériu mos sei hare oinsa maka atu bele fo asistensia ba sira nia familia, maibe tenki liu husi sistema governu nian ne’ebe maka iha, no karik sira mos iha problema ruma konaba sira nia pensaun ne’ebe maka simu hato’o mai atu ami bele ajuda rezolve.”tenik Estanislau

Nia hatutan, Konaba labarik sira nia eskola karik sira liu husi sistema ne’ebe maka governu iha ona konaba bolsu estudio nian, se karik iha problema ruma mos bele hato’o mai iha Ministériu Agrikultura e Peskas atu bele haree ba problema refere, MAP labele promote buat barak ba sira, tanba buat hotu lao tuir prosesu no prosedimentu normal ne’ebe maka iha, maibe Ministériu sempre hare saida maka bele halo hodi fasilita.

Fotografia/Rozer Lopes/Info-MAP

Iha fatin hanesan Diretór Nasional Rakursu Humanu Pedro Barreto esplika katak, Sira hamutuk 51 pesoas maka sei hetan sertifikadu ne’e, maibe ohin  marka prezensa iha ne’e 31 pesoas no 20 seidauk simu, ami mos sei tenta atu bele ba entrga iha sira nia familia.

Pedro esplika, Matebian no idozu funsionariu reforma sira hetan salariu hanesan de’it tanba lei ne’e hanesan de’it, maibe tuir lei komisaun da Funsaun Públika no mos Ministériu Solidariedade Sosial iha katak sira iha direitu atu hetan osan ho 75% husi sira nia salariu ne’ebe maka antes ne’e sira simu.

 

Sertifikadu ne’e iha oin tolu maka hanesan pensaun valise, pensaun sobre vivensia  no mos invalides. Sertifikadu refere fahe ofisiamente husi Ministru no mos nia komitiva tomak.(Tyfa)

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login