Notisia

Estudante 55 Sei Ba Tuir Formasaun Iha Israel

Fotografia/Roger Lopes/Info-MAp

Dili- Ministeriu Agrikultura e Peskas haruka tan estudante hamutuk lima nolu resin lima (55) ba etapa dahat nian kompostu husi mane 36 no feto 19 ne’ebe mak atu ba tuir formasaun iha area agrikultura liu-liu aprende konaba inovasaun síensia agikultura iha Nasaun Israel.

Area agrikultura hanesan savi importante iha ita nia moris neduni iha oportunidade ida ne’e MAP haruka tan ona joven balun ba aprende inovasaun ho tekniku foun iha Israel atu nune’e bele muda mentalidade no karakter joven balun para bele dezenvolve area agrikultura iha Timor. Esplika ministru Agrikultura e Peskas, Joaquim José Gusmão dos Reis   iha serimonia despedida joven hirak ne’ebe mak atu ba nasaun Israel, iha sesta-feira (31/8) iha salaun MAP Komoro.

Ministro MAP mos hato’o ninia Parabens ba Estudante 55 ne’ebe maka hetan oportunidade hodi ba tuir formasaun iha Israel, no parabens mos ba inan- aman sira ne’ebe maka ho esforsu tomak bele fo edukasaun ba oan sira hodi hetan oportunidade ba iha Israel hodi tuir formasaun ho tekniku ne’ebe avansadu iha iha area Agrikultura nian.

Hau mos la haluha husu ba team Lider sira atu toma responsavel didiak ba kolega sira ne’e, hatudu ba komportamentu ne’ebe maka diak, tanba ita bo’ot sira ba lori Nasaun Timor Leste nia naran. Formasaun ida ne’e iha buat rua ne’ebe maka importante tebes maka hanesan atu aprende invovasaun ho tekniku foun Israel no mos segundu atu muda menatalidade no karakter ida ne’e maka ita tenki halo. Tanba agora dadaun envolvementu jovem sira iha setor Agrikultura iha 16% de’it.Hateten Ministro Joaquim

MAP apelu ba joven hirak ne’ebe mak atu aranka ba rai Israel ne katak, Hau hakarak ita bo’o sira fila mai implementa mos saida maka imi aprende ona iha ne’eba, Governo ida ne’e pronto atu ajuda ita bo’ot sira, importante ita bo’ot sira iha vontade duni hodi implementa saida maka ita bo’ot sira aprende.

Fotografia/Roger Lopes/Info-MAp

Entretantu Filomino Sebastião,   reprejentante familia husi Estudante hirak ne’e sente orguilho tebes ho oportunidade ne’ebe maka apoiu MAP fo ba estudante sira atu ba tuir formasaun konaba Agrikultura nian. Nia mos esperensa katak, liu husi oportunidade ida ne’e sira sei aprende diak liu tan konaba siensia teknolojia iha area Agrikultura ne’eba hodi bele mai implementa fali ita ita nia rai doben Timor Leste ida ne’e

Iha fatin hanesan, Estudante Silbino Pereira hateten, Oras ne’e dadaun ami sai hanesan estudante,ba ICAT arava Israel periodu ba dala hat, 2018-2019, ami hetan oportunidade,husi estado Timor -Leste, liu-liu Ministério Agrikultura hodi ba tuir formasaun iha area agrikultura ne’ebe sei desloka media oriente pais Israel, iha durasaun ne’ebe maka estado fo mai ami sei aproveita tempo durante tinan ida iha ne’eba.

Estudante refere sei estuda iha area ha’at maka hanesan Peskas, Pecuaria, Hortikultura, Produsaun alimentar nomos treinamentu ba animal sira. Sira mos sei aprende siencias professional sira, hanesan oinsa atu orienta produtus agrikultura sira ba iha Mercado konsumedor sira.

Nia mos promete katak wainhira sira remata sira nia formasaun iha Israel, fila mai sei implementa saida maka sira aprende ona iha Israel, liu husi teoria no pratika, atu nune’e bele dezenvolve setór agrikultura iha Timor Leste.

Estudante lima nulu refere kompostu refere mai husi Alumni eskola Teknika Agríkola Natarbora hamutuk 11 pesoas, Alumni eskola téknika Agríkola Moleana hamutuk 11 pesoas, Alumni husi eskola téknika agríkola Fuiluro hamutuk 10 pesoas, garaduados husi Fakuldade Agrikultura UNTL hamutuk 12 pesoas no ikus liu maka graduadus husi Fakuldade Agrikultura UNITAL hamutuk 16 pesoas. (Roger Lopes)

 

Visita iha Programa Radio Agrikulturahttps://www.mixcloud.com/elissousa/

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login