Notisia

MAP Asina Nota De Intendimento Ho Universidade Brawijaya IndonéSia

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Roger Lopes/Info-MAP

Dili - Ministériu Agrikultura e Peskas (MAP) asina Nota de Intendimentu ho Universidade Brawijaya Indonésia, hodi hare ba iha area Agrikultura nian.

Tuir Ministro Juaquim  José Gusmão dos Reis Martins,  Agrikultura e Peskas (MAP) hateten katak, asina Nota de  Intendimentu ida ne’e hanesan kontinuasaun ne’ebe hala’o tiha ona iha tinan 2013, ne’e duni ida ne’e hanesan kontinuasaun ida ba ita nia kooperasaun ho Universidade Brawijaya  Indonesia. Seremonia Asina Memorandu ne’e hala’o iha loron Terça (02/10) iha Salaun MAP Comoro Dili.

Nia hateten, Universidade Brawijaya Indonesia ajuda ita iha parte Agrikultura nian iha area hotu-hotu, hanesan Hortikultura, Peskiza, Pekuaria, Peskas no mos iha area Floresta.

Nia hatutan, Sira laos de’it ajuda ita iha kapasitasaun, maibe sira mos loke sira nia Universidade atu ita mos bele eskola iha neeba, Universidade Brawijaya Indonesia ne’e mos fo oferta ba Timor oan sira ne’ebe maka hakarak atu ba eskola iha ne’eba maibe sira mos bele selu hanesan mahasiswa lokal.

“Hau seidauk iha dadus konaba estudante hira maka ba eskola ona iha Universidade refere, maibe iha sira lobuk ida maka partisipa ona iha Universidade ne’eba, aleinde ne’e laos estudante de’it, maibe profesores sira ne’ebe husi Universidade sira no mos estensionista sira Universidade Brawijaya mos fo formasaun ba sira.” Tenik Juaquim.

Fotografia/Roger Lopes/Info-MAP

Iha fatin henesan, Eis Ministru Agrikultura Mariano Assanami ne’ebe hetan konvite husi  atual Ministru agrikultura no peskas hodi partisipa iha serimonia asina Nota de intendimentu entre MAP ho Universidade Brawijaya Indonésia, MAP Comoro katak, Ha’u respeita  Reitór Universidade Brawijaya ho nia komitiva  tomak no   mos ministru ho nia diretór sira iha ne’e,  ne’ebe mak servisu makas iha  Ministeriu ida ne’e, tanba ita hotu hatene  katak area agrikultura iha Timor-leste ladun luan hanesan nasaun sira seluk,  hanesan Australia, Brazil inklui mos Indonezia, maibe iha Timor leste ne’e ema barak mak vida agrikultór neduni ami iha ne’e oinsa mak atu fo orientasaun no implementasaun servisu agrikultura ne’ebe mak atu bele hasai husi kiak no mukit no ami mos bele apoiu sira hasae rendimentu iha area agrikultura ne’e rasik.

Dignidade Agrikultór  importante tebes  atu tane as iha nasaun ida ne’e tanba  sira mak nain  ba riku soin  iha Timor nian no sira mos eduka sira nia oan sira ho diak atu nune’e iha futuru mai sira  maka sei  tane as Timor -leste.

Ministeriu agrikultura Timor kleur ona servisu hamutuk ho Universidade Brawijaya, iha  programa espesifiku ida ne’ebe mak  Diresaun Nasional ida hanaran CDCA,  iha CDCA  iha estensionista  nebe’e durante ne’e proffesor sira husi universidade Brawijaya fo treinamentu ba sira no akompanha  sira to’o iha kampo, laos to’o  iha ne’e de’it maibe barawijaya mos servisu hamutuk ho ajensia Internasional  AUSAID  iha area hortikultura iha Munispiu Aileu no Maubisse.  

Ha’u nu’udar eis ministru  hateten katak, ha’u sei suporta no apoiu nafatin   Ministeriu ida ne’e inklui apoiu agrikult’or direitamentu no dezenvolvimentu agrikultura iha nasaun ne’e.

Entretanto, Reitor Universitas Brawijaya,  Prof.Dr.Ir.Nuhfil Hanani AR.MS relata katak,  Brawijaya iha esperansa boot ida  atu dezenvolve  area agrikultura, peskas no floresta  neduni iha servisu hamutuk ida ne’e ami hakarak atu hasa’e  no haluan tan  dezenvovimentu agrikultura  iha arai ida ne’e. 

 MAP  ho Universidade Brawajiya  asina ona Nota de intendimentu  komesa iha Tinan 2013,   ne’e  apoiu deit iha area agrikultura no  ohin loron atu halo kontinuasaun deit no   bele apoiu mos ba area sira seluk  henesan   Pekuaria, Floresta, Irrigasaun no area seluk ne’ebe  ami sei dezenvolve.(Roger Lopes&Elsio Jong)

 Visita Programa Radio Joven Agrikulturahttps://www.mixcloud.com/elissousa/

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login