Notisia

Ministru MAP Vizita Kolan Ikan Iha Municipiu Manufahi

Avaliação do Usuário

Estrela inativaEstrela inativaEstrela inativaEstrela inativaEstrela inativa
 

Fotografia/Roger Lopes/INFO-MAP

Manufahi- Ministru Agrikultura no Peskas (MAP) Joaquim José Gusmão dos Reis Martins hala’o vizita ba kolan hakiak ikan ne’ebe maka lokaliza iha suku Letefoho Postu Administrativu Same Vila, Municipiu Manufahi, hodi hare diretamente kondisaun Kolan ikan ne’e.

Kolan ikan ne’e iha indonesia nia tempo iha ona, hau hakarak mai hare diretamente fila fali kondisaun kolan ikan hirak ne’e, balu kondisaun a’at ona, tanba ne’e hare oinsa maka atu hadia fila fali, hateten Ministro MAP Joaquim José Gusmão dos Reis Martins hafoin hala’o vizita ba fatin refere iha loron Segunda (08/10) iha Munisipiu Manufahi.

Nia hatutan, Ikan la menus maibe ita mos tenke hare ida ne’ebe maka apar liu ho klima iha ne’e, iha ndonésia nia tempu fatin ne’e apar ho ikanMas. Ita mos hare ikan Mas ne’e ninia medida mesak bobot deit, maibe iha mos ikan Nila iha ita nia sentru ne’ebe koko no adaptaatu bele hakiak iha ne’e.

Fotografia/Roger Lopes/INFO-MAP

“Kolan ikan ne’e hari’i iha tinan 1986, balu nia kondisaun a’at ona, tanba hari’i iha tinan barak ona, foin dadaun hau mos koalia ona ho prezidente Munisipiu atu oinsa maka atu hare’e ba oin, karik husi Munisipiu mos bele halo planu entaun ita kolabora hamutuk de’it, se Munisipiu mak hadia entaun husi Nasional bele ajuda apoiu tekniku nofini ikan ” Tenik Joaquim

Iha fatin hanesan, responsavel Peskas Munisipiu Manufahi Francisco da Silva hato’o mos nia preokupasaun konaba kondisaun kolan ikan balun ne’ebe a’at ona, tanba ne’e nia husu atu halo rehabilitasaun ba kolan refere.

Ami nia preokupasaun ba ami nia kolan ikan kleur ona no la halo rehablitasaun, kolan barak mak nakfera ona, ami halo produsaun mos labele hetan ikan barak, kolan ne’e rasik hetan rehabilitasaun iha tinan 1992 maibe to’o agora Ministériu seidauk halo rehablitasaun tanba ne’e ami husu atu halo mos rehabilitasaun ba kolam hirak ne’e.

Ami preokupa mos ho hahan ikan dala ruma falta, ne’e maka produsaun iha failansu oituan, preokupasaun sira ne’e ami hato’o ona ba iha Ministériu maibe Ministériu seidauk responde ami nia preokupasaun sira ne’e to’o agora.

Planu kontinuasaun ba oin ami nia hakarak ikan ne’e nia produsaun as tan, ami nia plano atu hatama variedade foun atu troka fali ikan hirak ne’e, iha ne’e ami la halo kolheta ami halo produsaun deit hanesan hakiak ikan oan ba fini, karik komunidade presija atu hakiak sira hatama proposta iha Diresaun Serbisu Ministeriu Agrikultura Municipiu ou ba iha Nasional liu husi grupu bele mai foti fini ikan Mas no Nila iha ne’ no tuir sira nia nesesidade kolan ne’ebe iha.

Visita Programa Radio Joven Agrikulturahttps://www.mixcloud.com/elissousa/

 

 

 

 

 

 

 

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login