Kolheta geral hare ba Demo Area 164 hektares

Estrela inativaEstrela inativaEstrela inativaEstrela inativaEstrela inativa
 

Fotografia/Reno Rafinha Lopes/INFO-MAP

Betano - Ministeriu Agrikultura no Peskas (MAP) liu husi Diresaun Nasional Agrikultura no Hortikultura, Departementu Produsaun Alimentar hala’o Kolheta jeral Hare ba segundu epoka. Total hamutuk 164 hektares iha area irigasaun Karau Ulun Suku Betano, Munisipiu Manufahi, Postu Administrativu Same. Seremonia ne’e ofisialmente lansa husi Ministru Agrikultura no Peskas Eng. Joaquim Gusmão Martins,  iha loron Kinta (15/11).

Ministru Agrikultura no Peskas  Eng. Joaquim Gusmão Martins iha nia intervista hafoin remata Kolheta Hare hateten katak, neé hanesan ba dala uluk  mai hau  kolheta hare iha Irigasaun Karau Ulun , ne’e ba  segundu Epoka,  total 164 Hektares, maibe sei la hotu iha neé deit  Ministeriu nia Politika, sei nafatin kontinua ho programa ne’ebe iha, liu-liu ba produsaun hare no produsaun seluk iha rai laran. Ita hatene katak, oitavu Governu Konstituisional, hakarak nafatin hasa’e produsaun atu nuneé bele hamenus importasaun, ida ne’e dezafiu bo’ot ba Ministeriu Agrikultura, maskeoesamentu limitadu, maibe ne’e laos obstaklu ka dezafiu atu ita baruk no lakohi serbisu. Tenik Joaquim

Ministeriu Agrikultura no Peskas nia  orientasaun maka,  ita tenke hakbesik liu ba agrikultor sira, serbisu tekniku ne’ebe durante ne’e iha, nia rezultadu maka ita bo’ot sira hare dadaun no ohin ita halao  kolheta hare ba 164 hektares, no ita mos tengke reforsa Extensionista nune’e bele ajuda no fo apoiu tekniku ba agrikultor sira.

Fotografia/Reno Rafinha Lopes/INFO-MAP

 Iha parte seluk Ministru mos hatoó nia hanoin kona ba Tratores hamutuk unidade sanulu resin nebe avaria. Tuir Ministru katak tratores hirak neé ita uja tinan barak ona nune’e afeita maka’as tebes ba iha manutensaun, tanba ne’e ita hare katak, tratores balun hatoó ona ba Diresaun Patrimoniu Estadu hodi bele halo leilaun, ho hanoin atu Ministeriu da Agrikultura bele hetan politika oinsa atu hetan trator foun. Politika ne’e Ministeriu estuda hela maibe, ho kondisaun ida agora la minimiza ita nia trabalhu iha kampo, nune’e ho tekniku nebe ita tenke serbisu  nafatin hodi atende agrikultor  nia nesecidade iha area agriultura, pekuaria no peskas.

Iha biban Hanesan, Chefe do Grupu Haburas Henrique Perreira hatoó katak , Natar ida ne’e tinan-tinan ami hetan apoiu tekniku husi Ministeriu agrikultura liu husi Extensionista iha suku Betano, ohin Ministru mai kolheta hare iha fatin ida ne’e, maibe hau nia pesoal hektres rua, husi tekniku Extensionista sira halo ubinan ba kada hektare, agora dadaun  ami hetan kada hektare tonelada tolun to’o tonelada hat depende ba bé, kompara ho tinan kotu. Hau hakarak hatete deit katak Natar ne’e ami rasik maka halo maibe ami hetan apoiu mos husi Ministeriu Agrikultura,no hetan apoiu hanesan Trator no Hand Trator. Ba futuru ami rekomenda atu ba Ministeriu Agrikultura no Peskas bele nafatin fo apoiu liu liu oinsa bele resolve tratores nebe agora hetan avaria atu oinsa Ministriu nia politika bele resolve lalais kondisaun ida ne’e. Reportazen, Reno Rafinha Lopes

 

 

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login