OJE 2019 MAP Hetan Total $.14.709,251 miloens

Estrela inativaEstrela inativaEstrela inativaEstrela inativaEstrela inativa
 

Fotografia/Reno Rafina Lopes/INFO-MAP

Dili- Orsamentu Jeral Estadu 2019 Governo aloka ba Ministériu Agrikultura no Peskas ho montante $.14.709,251 miloens fahe ba kategoria 4 maka hanesan, Salariu bensimentu $. 3509, 043 mil Dolares Amerikano, Bens de serbisus ho montante $.9, 773 ,520 Mil Dolares Amerikano, Kapital Menor $.478,575 mil Dolares Amerikano no Kapial Dezenvolvimento ho nia valor montante $.891, 229 mil Dolares Amerikano, tinan ida ne’e Ministeriu Agrikultura la iha Transferensia Publika.

Orsamentu ne’ebe maka aloka mai Ministériu menus teb-tebes, ida ne’e sai hanesan isu bo’ot ida ne’ebe maka iha, ita bo’ot sira akompaina iha Parlamento Nasional no Presidente RDTL mos hato’o ninia preokupasaun ida ne’e, los duni ita nia orsamentu ne’ebe maka iha ladun sufsiente maibe Ministeriu kompri

pakote ne’ebe maka husi Ministériu Finansas fahe ona ba kada Ministeriu, no ba iha Ministeriu Agrikultura ami sente katak ho orsamnetu ne’ebe maka iha sei uza didiak orsamentu ida ne’e atu bele atinje programa ne’ebe maka ita iha,esplika Ministro MAP Joaquim Gusmão Martins iha Quinta-feira (10/01) iha nia kna’ar fatin Comoro.

 Iha Ministériu Agrikultura no Peskas ita mos iha parseiru Dezenvolvimentu sira ne’ebe maka tulun mos iha Ministeriu Agrikultura ida ne’e bele sai mos alternativa ida atu bele ajuda ba osan ne’ebe alokadu husi Governo mai Ministeriu Agrikultura.

Iha sorin seluk hanesan mos politika VIII Governo nian katak sei iha governasaun ida ne’e sei atrai investimentu husi seitor privadu sira ba iha area Peskas, Pekuaria no Florestas atu nune’e bele dezenvolve agrikultura.

Governu mesak sei labele kobre buat hotu-hotu ne’e duni husi Ministériu Agrikultura no Peskas mos presiza hetan apoiu husi parseiru dezenvolvimentu sira liuliu husi seitor privadu sira atu bele komesa ona investe iha area Agrikultura, ho partisipasaun ida ne’e ita sei bele atinje metas ne’ebe ita planea ona.

Entretantu tuir sensus uma kain 2015 hatudu katak 89% moris iha vida agrikultura, tanba ne’e maka komitmentu VIII Governu Konstitusional aposta teb-tebes atu dezenvolve seitor agrikultura ho limitasaun orsamentu ne’ebe maka iha, ita sei serbisu nafatin atu bele atinje planu ne’ebe maka ita iha.

Ministeriu Agrikultura no Peskas iha planu ne’ebe maka diak tebes atu bele hala’o tinan tinan ho programa agrikultura nian liuliu iha area agrikultura ba iha aihan konsumus nian hanesan Hare no Batar ida ne’e ita foka ba iha ne’eba ita sei iha subsidiu ba iha fini no Tratores bele fila rai, no mos iha subsidiu ba iha Aimoruk ba Pestisida no Adubus. (Tyfa & Reno Rafina Lopes)

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login