Hakbi’it Kuñesementu Seitór Públiku ba Asaun Hasoru Korrupsaun

Estrela inativaEstrela inativaEstrela inativaEstrela inativaEstrela inativa
 

Fotografia/Zeca Monteiro/GIFA-MAP

Dili- CEPAD-GIFA MAP  fo treinamentu ba Diretores  no Xefi Departamentu sira  iha Ministerio Agrikultura durante loron rua komesa 29 ate 30 jeneiru 2019 ho topiku hakbiit kuiñesiemntu  Seitór Publiku ba Asaun Hasoru Korrupsaun  iha  salaun MAP Comoro.

Inspetór Jeral MAP, Octavio  da Costa M. De Almeida esplika katak,  treinamentu ne’e  hanesan fo kuiñesementu ba diretores no xefia sira konaba  korrupsaun iha ambiente Ministeriu nian, tanba korrupsaun ohin loron sai hanesan isu Global.

Nia mos hatutan, treinamentu ida ne’e konaba kargu de xefia sensibilizasaun konaba Anti korupsaun oinsa maka labele iha korupsaun iha Insitituisaun liu-liu iha Ministériu da Agrikultura, tanba ne’e maka ita halo treinamentu loron rua ida ne’e hasae koñesementu ba ita nia kargu xefia sira atu sira bele hatene katak korrupsaun ne’e krime ne’e  la fo vatanjen ba dezenvolvimentu.

Tuir prezidenti CEPAD,  João Boavida realsa, Programa  ne’e hahu kedas iha tinan 2007 to’o 2018 tinan kotuk liu ba iha mos prevensaun no sensibilizasaun servisu hamutuk ho entidades Governamentais Estadus nian no mos Sosiedade sira seluk, atu hakbi’it sira nia koñesimentu konaba saida maka korrupsaun no nepotizmu no mos sira mekanizmu instrumentu atu bele dimensia kazu korupsaun hahu husi baze.

Tinan kotuk husi Outobro ba oin tinan tolu tuir tan mai ita hamutuk ho linas Ministeriais sira de faktu iha semana rua tolu tan ekipa teknika hamutuk ho ita atu hakata ba iha Munisipiu, atu bele hatutan fali buat ne’ebe ohin loron ita fahe balu liu husi nia prosesu antes ita atu hakat ba iha Munisispiu.

Fotografia/Zeca Monteiro/GIFA-MAP

iha mos esplorasaun ida konaba hanoin konaba programa ne’e atu bele hadaet tutan fali ba iha Parlamentu Nasional ho Governo, iha ne’e ita iha mos ita nia Grupu konsultivu.

Korrupsaun hanesan buat ne’ebe ohin loron halo Nai Ulun sira barak maka sai vitima, nai ulun sira ne’ebe maka iha kargu sefia ne’ebe sira tur ba, lalais liu atu sai vitima duke lais liu atu sai riku, tanba ne’e Korrupsaun nia impaktu ne’e todan tebes, maibe dalaruma mos nia impaktu ne’e tanba deit ita la iha konhesimentu, laos tanba ita nia hakarak maibe ita maka la iha konhesimentu.

Ita mos iha autoridade rua ne’ebe maka reprezenta Estadu Timor Leste nian hanesan Ministériu Publiku no mos INAP, ita nia autoridade rua ne’e sei haktuir no hatudu ba ita sinal sinal saida maka iha pozisaun sefia tur bele tur, atu nune’e ita sira ki’ik ne’e labele sai vitima ho sira bo’ot.  

Iha fatin hanesan, Diretór Jeral INAP, Agostinho Letencio hatutan,  Ita iha koñesimentu ne’ebe maka diak, maibe ita mos presiza nafatin formasaun sira atu ita bele koiñese diak liu tan konaba saida maka korrupsaun, ita le’e iha referensia hotu hotu ita liga mos ho parte boa Governasaun atu bele halo ita kontrola diak liu tan bele halo ita mos hamenus korrupsaun se diak liu tan halokon korrupsaun ida ne’e maka importante tebes iha formasaun sira hanesan ne’e. Iha formasaun maka ita bele koñese didiak Lei sira.

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login