Notisia

MAP Ho ACIAR Demonstra Karau Luhan

Fotografia/Elsio Jong/INFO-MAP

Dili-Ajensia Australian corporation International Agricultural Rescarch (ACIAR) servisu hamutuk ho Ministériu Agrikultura e peskas MAP husi Diresaun Veterinaria no mos Universidade nasional Timor Lorosa’e (UNTL) halo demonstra karau luhan hodi hanorin komunidade sira oinsa hakiak karau.

Tuir Coordenador ACIAR Lea Lee, esplika katak, Programa ne’e hanaran Karau ba Moris diak ou (KAMODI) ACIAR apoiu fundus komesa iha tinan 2016, no agora tinan tolu ona. Projeitu ne’e sei hala’o to’o tinan 2021. Atividade halo demonstra Karau Luhan ne’e hala’o iha loron Quarta (12/06) iha Sentru Matadoru Tibar.

Nia hatutan, Projeitu ne’e ho objetivu atu hanorin oinsa ita nia Agrikultor sira bele hakiak Karau ho diak liu tan, atu bele produs na’an karau ne’ebe maka diak, no oinsa sira bele hare no halo tratamentu ne’ebe maka diak ba karau sira ne’ebe maka iha. Atividade refere sira halo ona  iha Munisipiu sira maka hanesan Bobonaro, Ermera no mos Manufahi.

Fotografia/Elsio Jong/INFO-MAP

Iha fatin hanesan Diretor jeral pecuaria e veterinaria, Domingos Gusmão, afrima katak, projeitu ne’e hala’o hamutuk ho ACIAR husi Austrália servisu hamutuk ho Ministériu Agrikultura E Peskas no mos Universidade Timor Lorosa’e UNTL. halo peskiza ida atu hre konaba oinsa utiliza sistema ida ne’ebe maka diak hodi bele hakiak karau.

Nia esplika luhan ne’ebe maka ohin ita demonstra iha ne’e foin primeira ves, sira husi projeitu ACIAR maka hakarak demonstra karau luhan atu oinsa ita bele proteje karau. Luhan refere iha funsaun sira maka hanesan hakiak, halo tratamentu ba vasinasaun no mos bele fo kaben ba karau. Luhan ida ne’e mos hanesan ezemplu ida e depois MAP maka sei hatutan fali hodi bele fo asistensia ba ita nia komunidade sira.

Nia akresenta, MAP ho UNTL servisu hamutuk ho ACIAR hahu kedas iha tinan 2016, halo mos buat barak ona liu-liu konaba hakiak karau. Nia rezultadu ne’ebe iha maka hanesan ita fo mos introdusaun lobuk ida ba iha ita nia Komunidade sira iha Maliana no Same. Ninia rezultadu hakiak karau ne’e sira bele mai fan to’o Matadoru Nasional Tibar.

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login