Formandu 43 Simu Certificadu Hafoin Remata Formasaun Iha Etda

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/INFO-MAP

Dili- Formandu hamutuk 43 kompostu husi Ministériu Agrikultura e peskas (MAP) simu Certificadu hafoin remata sira nia formasaun iha ETDA, materia ne’ebe sira aprende maka hanesan: Ciclo managementu projeitu, plataformalojika, Matemática, Estatistica no mos halo sistema relatoriu MAP nian.

Seremonia simu Sertifikadu ne’e ofisialmente loke husi Ministro Agrikultura e Peskas Joaquim José Gusmão Martins, marka mos prezensa husi reprezentante FAO, Stephen Rudgard, reprezentante Banco Mundial, Macmillan Anyanwu, Secretariu Jeral MAP César José da Cruz, Diretor Jeral, Diretor Nasional  no mos formandu sira. Seremonia ne’e hala’o iha loron Tersa (17/06) iha Salaun MAP Comoro.

Tuir Ministro MAP hateten iha nia diskursu katak Ohin ita marka tan pasu importante ida ba estabelesimentu sistema Monitorizasaun no avaliasaun digital ba MAP, nu’udar Ministro iha nia parte nia sente kontenti tebes, tanba ho apoiu husi Banco Mundial liu husi FAO bele fo ona formasaun ba STAFF sira husi Ministériu MAP nian hodi bele aprende konaba progresu hirak ne’e.

Maske ita hasoru dezafius ne’ebe barak maibe ita mos nafatin iha esforsu kolektivu ne’ebe maka forte husi parte relevante sira, atu bele hamosu sistema monitorizasaun no sistema avaliasaun ida ne’ebe maka bele fasilita, servisu Ministériu no parseiru sira hotu ne’ebe maka hakna’ar an iha Ministériu Agrikultura, Pecuaria, peskas no floresta. Nu’udar ita bo’ot sira hotu hatene katak estabelesimentu sistema monitorizasaun e avaliasaun ida ne’e, liu husi kooperasaun ida ne’ebe maka diak tebes husi Banco Mundial, FAO no mos MAP rasik.

Fotografia/Elsio Jong/INFO-MAP 

Iha fatin hanesan formandu Anita Ximenes akresenta katak, fofoun husi inisiu staff hamutuk 80 maka tuir formasaun refere, maibe to’o simu sertifikadu sira hamutuk 43 de’it maka simu, sira balun la konsege tuir to’o remata tanba iha okupadu ho servisu.

Formandu hirak ne’e FAO maka hasai carta ida hodi fo Diretor Diresaun hotu iha Ministériu ne’e nia laran, hafoin Ditretor ida idak delega sira nia staff hodi ba tuir formasaun ne’e.

“Formasaun ne’e ami hetan hamutuk loron 20 durante fulan ne’en nia laran, materia sira ne’ebe ami aprende maka hanesan: ciclo managementu projeitu nian, plataformalojika, oinsa atu dejeñu indikadores, ami aprende mos oinsa halo sistema relatoriu MAP nian, oinsa ami halo survey hanesan dejeñu ami nia quisioner uza tablet hodi halo survey. Ami nia formador sira ema estranjeiru, konaba Matemática ho estatistica maka dosente nain rua husi UNTL maka hanorin ami.” Tenik Anita

Nia informa, Konaba finasiamentu fundus prinsipal husi Banco Mundial, liu husi projeitu SAPIP maka SAPIP transfere fali ba iha FAO hafoin FAO rekruta treinador refere hodi fo formasaun ba sira. Iha nia parte nia sente orgullu tebes ho formasaun ida ne’e, tanba nia bele apende buat foun barak iha formasaun ne’e. (TYFA)

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login