Notisia

TEMPU BADAK SEI TAKA SAI REZULTADU FINAL BA REKRETUTAMENTU CENSOS AGRÍCOLAS IHA TERITORIO TIMOR TOMAK

Fotografia/Reno Rafina Lopes/INFO-MAP

Dili – iha loron 15 fulan ida ne’e Secretariado Cencos sei taka sai rezultadu final vaga Sencos Agrikultura ne’ebe mak Rekruta husi Munisispiu 12 inklui RAEOA nomos hala’o treinamentu konaba Trainer of training (TOT) ba treinador ne’ebe mak sei tun ba baze hodi fo treinamento ba kandidatus hirak ne’ebe liu ona vagas refere.

CA konvida Diretór Agrikultura Munisipiu 12 inklui RAEOA no Responsavel Estatístika Munisipiu 12 inklui RAEOA hodi nune’e esplika klean ba sira prosesu konaba Censos Agrícolas atual ne’ebe mak sei realiza duni iha tempu badak tanba ToT sei hahu iha loron 15-24 fulan jullu 2019 iha Dili, esplika Presidente CA, Elias dos Santos Ferreira wanhira hala’o enkontru ho diretór MAP Munisipiu inklui responsavel Estatístika 12 inklui iha segunda-feira (8/7) iha Salaun enkontru DGE Caicoli.

Nia mos hatutan, Treinadór sira ne’e mai husi Diresaun Nasional Estatistika no Ministerio Agrikultura e Peskas . Depois treinadór sira mos sei hala’o treinamento iha Postu Administrativu sira iha Timor laran tomak ba sira ne’ebe maka liu ona iha prosesu rekrutamento durante loron 8.

Censos aktual sei realiza iha loron 12 Agostu 2019 to’o 12 Outobro 2019, tanba ne’e mak ami bolu diretór hodi rona dezafiu saida deit maka sira hasoru iha prosesu rekrutamentu no ami mos fo orientasaun balun oinsa prosesu hala’o CA atual ida ne’e ba oin.

Total Aplikantes ba Censos Agrikultura hamutuk intervistador 2584 maibe fahe ba pajisaun tolu hanesan, Intervistador ka Enumerador hamutuk 1292, Supervisor 646 no Gps taker646.

Nia mos realsa katak, ema ne’ebe servisu iha censos ne’e mai rasik husi sira nia suku suku tanba saida maka ita presija ema mai husi sira nia suku, area lingua mos fasil para atu halo intervista ba uma-kain sira no sukat to’os ho natar para fasil ida ne’e la iha ligasaun ho tasa ka pajak.

Fotografia/Reno Rafina Lopes/INFO-MAP

Alenede ne’e, Diretór Nasional DNPEIG Claudino Ninas Nabais mos hatutan, Censos agrícolas ne’e inportante tebes ba Timor-Leste, tanba ita koalia fila-fila foin primeira ves ita atu hahu censos agrícolas iha Timor-Leste, ita presiza dadus n ne’ebe iha ligasaun diretamente ba agrikultura nian para atu bele sai hanesan dadus Nasional para tekniku sira bele uza dadus sira ne’e hodi analiza nomos polítika nain sira no líder sira bele utiliza dadus sira ne’e atu bele hatene agrilultura ida lolos ne’e agrikultór oinsa, ita koalia dala barak agrikultura subistensia ka agrikultura tradisional se ita hakarak agrikultura tradisional ba agrikultura subsistensia ba moderno ita aranka husi ne’e no agora ita iha fase saida entaun ho ida ne’e maka dadus sira ne’e inportante teb-tebes rekolha direitamenta husi agrikultor sira koresponde direitamente real iha nivel.

Quesionario ka perguntas ne’e emak prepara ona lubuk ida mai husi diresaun lubuk ida ne’ebe maka nesesidade ne’ebe sira hakarak dadus saida maka sira presiza iha ligasaun ho agrikultura , hortikultura, peskas, pekuaria, entaun iha perguntas lubuk ida 100 ital perguntas ne’ebe maka ita dezenvolve tau iha quesionariu ida ne’e ita sei lori perguntas sira ne’e hodi ba intervista ita- nia agrikultor sira para ita bele hetan lolos agrikultor ida ne’ebe maka responde perguntas sira ne’ebe ita prepara no agrikultor iha nivel ida ne’ebe maka hakiak deit animal ida ou rua no agrikultor ida ne’ebe maka halo natar kiik oan ida agrikultor ne’ebe maka kuda nu’u hun ida deit ne’e ita bolu agrikultor entaun buat sira ne’e hotu ita dezenvolve quesionario ida ne’e sei determina ita nia agrikultura.

Quesionario ne’e loas uza surat tahan ona maibe agora ita uza android teknologia mais avansadu entaun ita hakarak garantia utilizasaun instrumentu ida ne’e ita presiza halo teinamentu ba enumerador sira, sira ne’ebe maka ita rekruta dadaun ne’e sira ne’e nia koñesementu ne’e oinsa ita sei fo treinamentu ba sira no se mak fo treinamentu ba sira, entaun ita presiza prepara treinadór sira para fo treinamentu ba sira entaun ita presiza peritus balun para fo treinamentu ba treinadór sira depois fo treinamentu ba enumeradores sira ne’ebe maka ita rekruta dadaun ne’e para aban bainrua sira tun ba kampo sira domina instrumentu ne’ebe maka ita sei utiliza hodi foti dadus no rekolla dadus hirak ne’e. . Ida ne’e hanesan prosesu ida ne’ebe inportante teb-tebes para ita lao tuir atu nune’e it a bele hare kualidade dadus ne’ebe maka ita rekolla. Reno Rafina Lopes

 

 

 

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login