MF Hala’o Vizita Trabalho Ba Enumerador Sensu Agrikolas iha Postu Atabae

Estrela inativaEstrela inativaEstrela inativaEstrela inativaEstrela inativa
 

Fotografia/Reno Rafina Lopes/CA-MAP

Bobonaro-Ministra Finanças Interina Sara Lobo Brites, akompaña hosi Komisaun Teknika Sensu Agrikola hala’o vizita ba enumerador, GPS taker no mos Supervisor iha Suku Aidabaleten Postu Administrativu Atabae Munisispiu Bobonaro hodi hare  diretamente ba atividade resenciamentu dadus Sensu Agrikolas.

Iha vizitasaun ne’e akompaña mos husi Prezidente Sensu Agrikolas Sr.Elias dos Santos Ferreira no mos ekipa husi Ministériu Agrikultura no Peskas (MAP), objetivu husi vizita ne’e hodi observa direitamente alin enumerador sira nia servisu nune’e sira bele intende  esperensia iha kampo wainhira sira halo intervista ba komunidade. Vizita ne’e hala’o iha loron Quinta (10/10) iha Suku Aidabaleten.

“Tuir lolos ami perkore postu lubuk ida maibe tanba serbisu, entaun la konsege halo, ita hala’o monitorin deit iha Postu Atabae, tanba ida ne’e importante atu ita halo akompaniamentu ba ita nia alin Enumeradores sira. Aumesmo tempu bele asegura sensu  ne’e bele alkansa duni tuir orariu no tuir objetivu ne’ebe ita hakarak. Tanba tuir planu iha loron 12 outobru 2019 sei halo inseramentu tanba ne’e maka ami mai halo observa direita.” Tenik Ministra Finanças

 Nia akresenta, tuir informsaun ne’ebe maka alin Enumerador sira informa  katak sira atinzi ona 100% rekolha dadus iha posto Atabae, Presidente Sensus Agrikolas mos informa maizomenus atinze porsentazen hanesan, iha Municipio balun. Difikuldade ne’ebe ita nia alin enumerador sira enfrenta maka hanesan, ita nia Agrikultor balun sira nia to’os dook husi sira nia hela fatin, ita nia alin sira servisu maka’as los, to’o konsege hetan duni informasaun iha ita agrkultor sira iha kada uma kain.

Fotografia/Reno Rafina Lopes/CA-MAP

 Iha fatin hanesan  Prezidente Komisaun Teknika  Sensu Agrikolas, Elias dos Santos Ferreira, hateten katak, vizita iha Postu Administrativu Atabae, Municipio Bobonaro ida ne’e importante tebes, tanba ita nia ekipa servisu iha baze ou kampo presiza ita nia tulun. Iha vizitasaun ida ne’e mos atu fo motivasaun ba alin sira nia servisu.

Hakarak informa katak, alende fo parabens ba ekipa ne’ebe servisu iha Atabae Enterevistador kaer GPS taker no Supervisor, sira iha Municipio 12 inklui RAEOA ne’ebe maka data progresu hahu horseik to’o ona 95%  portantu ida ne’e atinze ne’ebe maka ita bot sira espera katak loron aban bainrua no hela loron rua tan maka ita sei finalize ita nia Sensu Agrikolas, hau espera katak sensu ne’e sei lao ho diak tuir dadus ne’ebe sira rekolha iha ida-idak nia suco. hodi foti dadus no ikus mai dadus sira ne’e sei fo fila ba iha suco para atu halo planu ne’ebe diak ba dezenvolvimentu iha ita nia suco.

 Nia infroma, Ami mos prepra ona sertifikado bainhira halo enseramentu sira sei simu Sertifikdo rua ida sertifikado treinamentu ba loron ualu (8)  no sertifikado ida fali ba sira halo servisu fulan rua iha kampo.

 Entretantu, Supervisor Suku Aidabaleten Eulalia da Cruz hato’o nia sentimentu kontenti tanba nia bele hetan oportunidade hanesan Supervisor iha atividade Sensu Agrikolas ida ne’e.

Fotografia/Reno Rafina Lopes/CA-MAP

 “Primeiru hau orguilhu nudar sidadun ida, dadus ne’ebe maka ami foti iha tereinu, ami kontribui ona ba dezenvolvimentu Nasaun Timor nian, dezafiu ne’ebe maka ami hasoru dala ruma ami ba to’o iha komunidade nia let, dala ruma sira la iha balu ba halo tia kultura iha fatin seluk entaun ami tenke hein, horseik halo hotu ona iha area enumerasaun rekolha dadus iha loron, 9 outobru 2019 agora ami nia dadus tama hotu ona iha Nasional.” Tenik Eulalia

Nia esplika, Dadus ne’ebe maka ami rekolha durante fulan rua nia laran ne’e ami foti hotu bazeia ba area enumerasaun, la iha ida mak ami husik mamuk ou la foti, 100% ami garantia katak populasaun iha Posto Administrativu Atabe dadus husi uma kain ida ba uma kain seluk ami foti no rekolha hotu.

 Nia informa, Kona-ba kooperasaun husi ita nia autoridade lokal iha Postu Adminisnistrativu no  autoridade sira kordena diak, antes ami tun ba iha tereinu mos ami sei kordena no informasaun ba autoridade lokal ami husi ekipa sensu agrikolas hetan kontaratu husi Ministeriu Agrigultura servisu hamutuk ho Ministeriu das Finansas liu husi Diresaun Jeral Estatistika, atu realiza sensu agrikolas no ita bele kontribui dadus ne’e atu nune’e Ministeriu Agrikultura bele halo planu ba iha longu prazu nian. (Reno Rafina Lopes)

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login