DJP hala’o  Workshop  kona-ba  eksplorasaun rekursu tasi iha futuru  

Estrela inativaEstrela inativaEstrela inativaEstrela inativaEstrela inativa
 

Fotografia/Media Gab.Sek.Pescas

Dili- Ministériu Agríkultura e Peskas (MAP) liu husi Diresaun Jerál Peskas, hala’o workshop ho ajensia sira ne’ebé mak iha  servisu relasaun  servisu iha area  Peskas  atu bele hare hamutuk konaba programa Peskas no Aquikultura ba iha futuru.

Onjektivu workshop  ne’e hanesan enkontru nasionál  hodi konvida Parseiru no diresaun relevantes sira atu mai  aprezenta programa Peskas no Aquikultura nian  ne’ebé mak dadaun ne’e  implementa hela  nomos ba futuru haree  mós dezafiu no rekomendasaun atu bele monitoriza no avalia atividade iha area peskas iha tempu oin mai. Workshop ne’e hala’o iha loron kuarta-feira (29/07) iha Salaun MAP komoro.

Tuir Diretór Jerál Peskas Acaçio Guterres iha nia intrevista katak, workshop refere sei hala’o durante loron rua  hahu loron  (29-30)  ho parseiru sira ne’ebé maka servisu relasaun ho Peskas nian, atu bele hare saída maka parte hotu-hotu halo ona iha pasadu nomos saída mak agora dadaun halo hela no saída maka sei halo iha futuru.

”Workshop ida ne’e mós atu tau hamutuk ideia   hodi halo planu iha futuru iha tinan 2020 to’o 2021. Planu ba futuru ami hare liu oinsa mak atu bele halo esplorasaun ba ita-nia  rekursu  iha tasi laran, liu-liu iha parte sul ne’ebé mak atividade ilegal a’as tebes, entaun ba oin oinsa  maka ami  bele hare  asuntu ida ne’e.” tenik DJ Acaçio

Fotografia/Media Gab.Sek.Pescas

Nia akresenta,  durante ne’e Diresaun Peskas mós hala’o atividade sira  hanesan iha tasi  nomos hakiak ikan iha be midar, ita mós iha potensia bo’ot iha ita -nia rai  nune’e ita- nia produsaun ne’e labele hetan husi tasi de’it, maibé ita mós bele hetan husi rai maran atu ita  bele hasa’e produsaun  diak liu tan.

DJ Peskas ne’e salienta,  iha tinan 2020 ida ne’e ita lao ho orsamentu DOT, ne’e duni osan  oituan de’it  barak liu ita selu fali dividas iha tinan 2019 nian, ne’e duni agora hare hamutuk hela oinsa maka ita bele selu ita- nia dividas ne’ebé mak iha, atu nune’e iha tinan 2020 no 2021 ita labele iha tan dividas sira para ita bele konsentra de’it ba iha dezenvolvimentu.

Iha fatin hanesan Sekretáriu estadu peskas,  Elidio de Araújo hatutan  katak, Reunian ida ne’e atu hare hamutuk   servisu ne’ebé mak durante ne’e sira halo ona, nia rezultadu servisu saída maka sira hetan no oinsa maka ami hamutuk fali atu bele hare hamutuk planu ba iha futuru.

Nia hateten, dadaun ne’e mai mós tur hamutuk atu hare ba planu ne’ebé maka liga ba area peskas nian tenki iha mós ligasaun ho planu sekretáriu estadu nian atu nune’e ba oin area peskas bele lao tuir planu  ne’ebé maka diak iha futuru. (Tyfa)

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login