DNEA-TOMAK HALO REVIZAUN MANUAL EXTENSAUN

Estrela inativaEstrela inativaEstrela inativaEstrela inativaEstrela inativa
 

 

Baucau- Ministériu Agríkultura e Peskas  liu husi  Diresaun Nasionál Estensaun servisu hamutuk ho parseiru Dezenvolvimentu   TOMAK  Halo  workshop  Konaba Revizaun Manual Estensaun  Dahuluk  ba Nivél  Rejiaun  ho  Objetivu atu  hanesan mekanismu ida hodi akumula sujestaun hosi entidade hotu hodi bele halo remodelasaun  ba manual estensaun tuir mudansa politika ne’ebe mak oras ne’e vigora. sorumutu ne’e hala’o iha salaun  Kalmatada Watulete Postu Administrativu Baukau Vila,Munisipiu Baukau iha loron Koarta 21 Junho 2022.

 Workshop ne’e hetan partisipasaun masimu husi Autoridade Munisipal,Agente Estensaun no Parseru Dezenvolvimentu.

 Iha diskursu Eis Diretór Amaro  Ximenes esplika katak, Extensaun ne’e inportante tebes iha rai Timor-Leste  tanba iha Nasaun seluk hanesan iha Tailandia, Vietnam, Brazil, Australia no  Indonesia ne’e inpotante tanba Extensaun  nia funsaun lolos  mak lori agrikultór sira husi lahatene hodi hatene no husi lahakarak hodi hakarak objetivo mak atu hasae produtividade kuandu produtividade sae automatikamente afeita ba produsaun anivél nasionál.

Nia realsa, Tamba ne’e sorumutu nee atu halo mudansa  revisaun ba dokumentus tolu  liu-liu ba pontu prinsipál 6 ne’ebe mak aneksu iha dokumentu refere mak hanesan :  jestaun extensaun,  prakondisaun extensaun nomos  planeamentu e monitorizasaun extensaun, konteudu pakote de extensaun, abordajen de extensaun, desenvolvimentu extensaun  buat neen mak sai save ba desenvolvimentu, halo revisaun tanba iha ona  mudansa  politika nomos mudansa estrutura.

Nia mós hato’o  agradese ba Ajensia Tomak bele ona fornese formasaun ba extensionista sira tuir situasaun no lalaok extensaun ninian  no ida ne’e mak sai save importante ba ita hodi halo revisaun ba manual extensaun.

Iha fatin hanesan, reprezentante Agensia Tomak Sr.Jose Baros, katak Revizaun manual extensaun agrikola nasionál kestaun haree ba dezafius  no  oportunidade, nomos mundansa ne’ebe akontese, tamba ne’e Diresaun Nasionál Extensaun Agríkola hato’o  pedidu mai Ajensia Tomak hodi halo revizaun ba dokumentus antigu konaba manual exstensaun nian iha 2010 2011 konaba estrategia, no 2008 konaba politíka extensaun.

maibe ohin ekipa  sei foku liu ba manual extensaun hanesan dokumentus operasionál ba extensionista sira hodi lao tuir padraun ou matadalan ne’ebe mak ministerio iha.

Papel Tomak nian mak atu apoiu logistikamente, nomos envolve konsultan hodi bele ajuda elabora no akumula ideias hotu hodi hatur didiak estrutura tuir padraun ministeriu nian nomos atu organiza entidades relevantes hotu hodi halo koperasaun ho ministerio tantu nasionál ho munisipíu atu bele envolve partisipantes relevantes sira ne’ebe mak iha koñesimentu  adekuadu ba dokumtus ida ne’e, hodi nune’e karik iha sorumutu sira hanesan ne’e bele kontribui ideias ne’ebe mak pertenente.

Alende ne’e,  Presidenti Autoridade Munisipíu Baucau, Olivio "Bou Lesa" Freitas iha manual extensaun ne’e la ses husi dekretu lei numeru 3 ho nia alterasaun dekretu lei numeru 54 ho diploma konjunta 48 ne’ebe mai husi Ministerio administrasaun estatal hamutuk ho ministerio tekniku agrikultura ne’ebe mak estabelese. iha diploma ida ne’e nu’udar matadalan ida hodi orienta reforsa servisu ne’ebe mai husi nivél ministerio iha mos liña kordensaun vertikal horizontal ne’ebe mak sei iha mudansa, sobre kompetensia propria ne’ebe kontribui ba iha servisu agrikultura artigu 12 husi diploma 48 esplika klaru konaba diploma 48 nia orientasaun.

Liga ba kompetensia propriu  liga ba iha dekretu lei ho diploma konjunta ministerial nian nebe bele orienta ita bot  sir a bele koiñese diak  oinsa mak iha manual mós liga ba polítika ne’ebe mak tuir mai ita nafatin define ita nia an tuir ba iha dekretu lei numeru 3 nomos diploma konjunta interministerial  ne’ebe ita halo labele ses husi ida nee selae ita bele dupla funsoens nebe it a bele aplika iha terenu. Autoridade Munisipal atu asegura koandu iha buat ruma ne’ebe la liga ho ida ne’e ami sei halo notas ruma nebe liga ho ida ne’e liu hosi agrikultura munisipal nian para nafatin ajusta politika aliña nafatin tuir diploma 48 nia obrigasaun.

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login