MAP Asina MoU Ho Kompanña Pharmar Konaba Oinsa Halo Peskiza Iha Tasi laran

Estrela inativaEstrela inativaEstrela inativaEstrela inativaEstrela inativa
 

Fotografia/Canisio/Informasaun-MAP

Dili- Ministério Agríkultura E Peskas (MAP) liu husi Dirasaun Jeral Pescas Asina Memorandun of Undertanding (MoU) ho Kompanña Pharmar hodi hare oinsa bele halo peskiza iha tasi laran. Atividade ne’e Hala’o iha loron Segunda (17/10/22) iha Salaun MAP Comoro.

Iha entrevista Ministro MAP Pedro dos Reis esplika katak, MoU ne’e kontinuasaun servisu hamutuk ho kompanña pharmar ne’ebe maka halo tiha ona iha tinan 10 liu ba, maibe membru Guvernu sesante ne’e mate tiha, entaun ida ne’e hanesan kontinuasaun hodi halo moris fali memorando ne’e atu bele hala’o aktividade sira ne’e ba oin

Nia hatutan, aktividade ne’ebe sei halo maka hanesan foti sampel sira iha tasi laran lori ba halo peskiza, karik iha ho peste ruma sira sei rekomenda mai iha Ministériu, ao mesmo tempu laos ida ne’e deit sira mos apoiu Ministério hodi elabora  Recursu humanu fo bolsu estudio ba iha Ministerio. Iha tinan hira liu ba kotuk sira ajuda tia Ministerio ba Funsionario hamutuk nain lima (5) oras ne’e dadauk sira servisu iha Dirasaun Peskas nian, kompanña ne’e pharmar ne’e mai husi Alemania.

Iha fatin hanesan DG Pescas Acacio Guterres hateten katak, memorando ida ne’e  asina ba dala3 ona. Iha tinan 2009 Sekretario Estadu Pescas Eduardo hanesan matebian ona, nia maka asina MoU ne’e, tuir mai Secretario Estadu Pescas Rafiel maka asina tan iha tinan 2014 no asina ida ne’e ba dala 3 ona

Fotografia/Canisio/Informasaun-MAP

“Objetivu husi asina MoU ida ne’e atu halo peskiza konjuntu entre Kompanña pharmar ho Dirasaun Jeral Peskas atu ba hare riku soin sira iha tasi laran ne’ebe maka sira edentifika  ba halo peskiza iha Espanha atu hatene lolos nia aimoruk ga rezultadu ne’ebe  maka atu kura ema ga lae? Sampel ne’ebe sira foti tinan lima (5) ou sanulu (10) hanesan ne’e foin ita hatene nia rezultadu. Agora ita hein hela kontinua nafatin foti amostra ne’e para ba halo peskiza iha Laboratorio iha Espania atu ninia aimoruk ka saida maka sira edentifika aban bain rua uza ba kura ema.” Katak DG Acacio

Nia akresenta, Kompanña ne’e mos iha planu sei finansia tan ema nain ne’en (6) atu kontinua tan estudio iha area ne’ebe hanesan, ita espera katak buat hotu lao diak bele kapasita ita nia funsionario sira,  total orsamentu ita sedauk hatene lolos ne’ebe osan sira ne’ebe sira koloka mai balun tama iha banko  Contabancaria Ministério nian hamutuk ho uluk ne’e (68)Miil ne’ebe maka iha Ministério nia Contabancaria iha BNU. Depois de orsamentu ne’ebe maka ba estudu ne’e sira transfer direta ba iha bolseriu sira nia konta Bancaria.

Nune’e mos reprezentante Kompanña Pharmar Timor José Verdial hatutan katak, objetivu husi asina MoU entre Kompanña Pharmar ho MAP ida ne’e konaba servisu halo peskiza ba riku soin sira iha tasi laran  Timor Leste nian ne’ebe maka karik bele foti ba halo peskiza iha Espanha.

Nia informa, iha Espanha iha laboratoriun Kopmanña pharmar nia ne’eba atu halo teste ba peskiza ne’ebe maka halo, atu bele produs aimoruk hodi kura moras. Nia prosesu maioria iha peskiza barak sempre han tempu minimal tinan 10 ba to 15 resin lima depois de ida ne’e maka ita foin hetan nia rejultadu maibe dadauk ne’e sira hetan molikul balun bele fo aimoruk maibe se iha hela prosesu nia laran. (Tyfa)

 VISITA IHA KANAL YOUTUBE (MAP-NEWS)

https://www.youtube.com/watch?v=bNJLkcZgJ-o

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login