DNEA - TOMAK Aprezenta Relatoriu Levantamentu Dadus Estensionista

Estrela inativaEstrela inativaEstrela inativaEstrela inativaEstrela inativa
 

Dili-Ministériu Agríkultura e Pescas (MAP) liu husi Diresaun Nasionál Estensaun Agríkola (DNEA) servisu hamutuk ho Ajensia To’os ba Moris Diak (TOMAK) hala’o enkontru ho Diretór Nasionál, Diretór Munisipiu, Xefe Departamentu Estensaun no senior Estensionista sira husi Munisipiu tolu mak hanesan Baucau, Bobonaro no Viqueque hodi hare hamutuk dadus ne’ebe maka ekipa refere rekolla ona iha tinan kotuk. Atividade ne’e hala’o iha Salaun MAP Comoro, loron Kuarta (15/02/23)

Iha entrevista Diretór Jeral Cooperasaun no Dezenvolvimentu Institucional (CDI) César José da Cruz esplika katak, enkontru MAP ho parseiru Dezenvolvimentu Austrália liu husi Projetu TOMAK ne’e nia Objetivu lolos mak oinsa ita hare ba iha profile ou dadus estensionista husi munisipiu tolu  hanesan Baucau, Bobonaro no viqueque  no iha  mos aprezentasaun konaba dadus estensionista ne’ebe ekipa DNEA hamutuk ho TOMAK rekolla ona iha tinan kotuk, atu uniforme no digitaliza formatu relatoriu mensal no mos akomoda tan ideias balun relasiona ho assuntu ne’ebe maka iha ona, espera katak Diretór husi Munisipiu tolu ne’ebe maka projetu ne’e hala’o ona ne’e bele hatene ona ho assuntu hirak ne’e no husi Nasionál mos tenki hatene oinsa atu foti desizaun Politika no desizaun finanseiru hodi hala’o servisu Estensaun nian”.

Nia akresenta, hanesan ita hatene katak Estensaun ne’e servisu ne’ebe maka bo’ot tebes tanba kada estensionista tenke domina area ha’at (4) hanesan: Agrikultura, Peskas, Floresta no mos Pekuaria ho sira seluk tan, maibe depois ita hare katak husi dadus ne’e kuaze sira domina barak liu iha area Agríkultura maibe setór sira seluk seidauk. Hosi  profile ida ne’ebe maka ohin aprezenta sai mos hanesan baze dadus ne’ebe DNEA bele uza hodi halo planu oinsa maka fo kapasitasaun ba estensionista sira ba area oi-oin.

Nia informa, Konaba orsamentu estensionista sira mos hanesan Funsionariu babain, iha mos subsidiu husi Governu hodi substitui fali sira nia osan ne’ebe maka sira uza ba motor  nian, tanba motor ne’ebe maka sira iha Governu foti hotu ona, entaun subsidiu ida ne’e atu selu fali transporte lokal hodi bele desloka ba sira nia servisu fatin. Estensionista sira laos servisu iha Suku ida de’it, maibe sira balun bele kobre Suku rua to’o tolu ida ne’e maka dalaruma difikulta ituan sira nia servisu.

Iha fatin hanesan Maneger Programa Nasionál TOMAK Modesto Lopes hatutan katak, enkontru ida ne’e atu hare hamutuk dadus ne’ebe maka durante ne’e estensionista sira rekolla dala ruma ladun lolos tuir iha matadalan hatudu, sira iha treinamentu hira maka halo ona, oinsa sira nia idade no seluk tan,  atu nune’e ita la bele halo dupla ou repete tan servisu.

Nia informa, Progama TOMAK servisu hamutuk ho MAP atu apoiu fo formasaun ne’ebe liga ho Pratika Agricultura Diak atu nune’e sira bele hala’o sira nia servisu  ho diak hodi nune’e bele fornese servisu diak ne’e ba Agrikultor sira. (Tyfa)

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login