MAP Kontinua Re-Stocking Fahi Iha Dotic

Estrela inativaEstrela inativaEstrela inativaEstrela inativaEstrela inativa
 

Manufahi- Ministério Agríkultura e Pescas (MAP) liu husi Dirasaun Nasional Veterinaria (DNV) Kontinua Re-Stocking fahi ba grupo benefisiariu foun sira iha Dotik atu bele eduka komunidade sira hodi kontinua hakiak fahi. Atividade ne’e hala’o iha loron Quinta (02/03/23) iha Suco Dotik Posto Administrativu Alas.

Iha diskursu Ministro MAP Pedro dos Reis esplika katak, MAP distribui ona animal barak ba komunidade sira, no ohin (rad) Quinta kontinua distribui tan fini animal ba iha komunidade sira. Iha tinan 2019 ita hasoru problema bo’ot konaba moras fahi entaun halo fahi quaze 30% mate iha Timor laran tomak husi total populasaun fahi rihun 400 por volta rihun 100 mk mate.

“Ita agradese ba embaixador Australia ne’ebe mak bele apoiu MAP ho programa ida ne’e, Orsamentu ne’ebe maka koloka mai iha MAP sei aloka ba iha Munisipio lima (5) mak hanesan: lospalos  fuiloro, Suai, Hera Dili, Baucau no iha Manufahi Dotik. Moras ASF laiha ai moruk vasinasaun, entaun meius ne’ebe mk teknikus sira uza mak tenki kuidado, halo nia luhan didiak no hases sirkulasaun fahi sira husi liur atu labele kahur malu.” Katak Ministro MAP”

 

 

 

Nia mos husu ba benefisiariu sira ne’ebe mak hetan opotunidade halo favor tuir modelu no esperiensia ne’ebe maka tekniku sira fahe, atu nune fahi sira ne’ebe maka simu ona labele hetan problema hanesan tinan hira liu ba. Iha sentru ne ita hahu ho fahi 20, tamba kumpri no halo tuir husi tekniku sira ne’e ohin loron fahi sai ona to’o 70, nune mak fahe ba benefisiariu sira. Espera katak benefisiariu sira ne’ebe mak hetan oportunidade ne’e atu mantein tuir tekniku sira atu nune bele hakiak no bele devolve fila fali fahi sira ne’e atu ita bele trata ba fali futuro no ba fali sira ne’ebe maka seidauk hetan oportunidade.

Iha fatin hanesan Administrador Munisipio Manufahi Arantes Isac Sarmento  hato’o mos nia agradese ba MAP ho apoiu husi parseiru sira Governo Austrália Nian ne’ebe  maka ajuda ba governu liu husi programa Re-Stocking ne. Programa ne’e importante tebes ba iha ita nia komunidade sira. Potensia bo’ot ba Agrikultura inclui  mos Postu administrativu Alas

Nia mos husu ba komunidade sira ne’ebe maka simu ona fahi refere tenki simu ho responsabilidade, apoiu saida de’it maka Governo no Estadu sira fo atu responsabiliza didiak atu bele halo barak liu tan, labele simu tiha depois oho fali no halo fali buat ne’ebe la iha benefisiu. Ho apoiu sira hanesan ne’e bele hadia ona ekonomia uma laran, tanba ne’e aproveita halo didiak ba.

Nune’e mos Benefisiaria Felismina de fátima Mendes hato’o nia agradesimentu no obrigado wain ba MAP ne’ebe halo ona programa ida ne’e, tanba oras ne’e dadauk fahi iha Timor laran kuaze mate hotu, maibe ho apoiu ne’ebe maka MAP fo bele ajuda ona sira hodi kontinua hakiak fahi, hodi bele sustenta sira nia moris.

Nia mos husu ba tekniku sira atu kontinua hanorin fo matenek ne’ebe maka tekniku sira iha atu sira bele aplika iha sira nia fatin, hodi bele hetan rezultadu ne’ebe maka diak. (Rommy)

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login