Aileu – Diresaun Servisu Agrikultura Munisipiu Aileu Tinan ida ne’e distribui Fini Batar Toneladas  hamutuk   lima (5)  Ba Agrikultór no komunidade sira Iha Munisipiu Aileu atu bele kuda iha tempu udan.

Diretór  servisu agrikultura munisipiu Aileu  Joaõ dos Santos,   ba ekipa Departamentu Informasaun Ministério Agríkultura nian iha nia kna’ar fatin  foin lalais ne’e, hateten katak,  Papel ministériu nian mak atu distribui fini ba agrikultór sira iha tempu udan  ne’e tenki garantia katak fini sira tenki too  iha agrikultór sira nune’e bele halo kultivasaun.

Diretór ne’e esplika, antes halo distibuisaun fini ne’e, Diresaun servisu Agrikultura  koordena ho autoridade lokál   no administrador postu sira hodi  kolabora ho agrikultór sira foti dadus uluk hafoin distribui fini batar ba  komunidade ka agrikultor sira.

Tanba kompañia distribui  fini  husi nasionál mai entrega iha   Munisipiu de’it   la to’o ba iha postu no suku sira, entaun ida ne’e sai dezafius ba ami atu halo jestaun  ba distribuisaun fini.

Agrikultura Munisipiu iha  dever antes tempu udan maka  fini  sira tenke garantidu katak fini  hirak ne’e iha fatin no to’o ona ba agrikultor sira nia liman antes udan monu rai.

Fini batar ne’ebe mak DSAM distribui ba agrikulór ka komunidade sira ne’e batar  Variedade Noi mutin no Sele. (Elis)